Заблуди за Морна Симеона
1) Ова ѝ припаѓа на Морна
Целта на хо’опонопо е ослободување од причината за несаканите околности, од физичките проблеми; да се води живот во мир и слобода, и да се оствари индивидуалниот идентитет на секое битие, неговото гение. Животот како училиште (на свеста), како непрекината низа на обиди и грешки, не е доведен во прашање.
Преку хо’опонопоно на Морна, човекот се ослободува од негативниот дел на неговите сеќавања и блокади, од незнаењето за неговото божествено потекло. Фокусот на дејствување и размислување станува признавањето на Божеството во созданието (во смисла на божествениот Создател, а НЕ на аумакуа, како што е на пример во Хуна).
За изведба на најважниот процес (Основен 1) од хо’опонопоно на Морна, неопходно е да се најде тивко место и да се запишат проблемите на списокот (т.н. „прашалник“), по што по специфичен редослед се изведуваат два круга на дишење и 11 различни молитви.
2) Ова не ѝ припаѓа на Морна
Да се доведе човекот во состојба на „нула“, каде што тој повеќе нема сеќавања, нема идентитет. Ова постои само во книгата „Нулти граници“, стр. 31, 2007 година. Зарем тоа не е влегување во идентитет на зомби, на ИЗИ? Таму нема ЖИВОТ - само чекање на водството од некој (!) дух, некое духовно битие.
Човекот е 100% одговорен за сè околу себе, за било чии постапки, а не само за сопствените (од „Нулти граници“, стр. 22, 2007 година). А за фактот дека милиони луѓе можат истовремено да ја видат истата работа, книгата и нејзините автори молчат. Зашто ако СЕКОЈ човек е 100% одговорен, кој би бил процентот на вашата одговорност?
Морна работела на својата процедура и ја усовршувала 19 години, таа никогаш не користела ниту пак додала магични играчки (белегзии, наполнети визит-картички, итн.). Таа никогаш не користела ниту пак подучувала за некаква хо’опонопоно мантра.
3) Мери Кевен Пукуи
Никогаш не постоел традиционален Хо’опонопоно во 4 чекори. Хавајскиот научник, наставник и писател Мери Кевен Пукуи (1895-1986) за време на нејзиниот живот никогаш не понудила традиционално хо’опонопоно во 4 чекори. Традиционалното хо’опонопоно, како и во текот на илјадници години, се состоело од дванаесетина чекори и било водено од Кахуна. Таа беше коавтор на хавајско-англискиот речник (1957) во кој е запишана дефиницијата за Хо’опонопоно (http://wehewehe.org/gsdl2.85/cgi-bin/hdict?a=d&d=D18551).
И покрај своите длабоки познавања за хавајската култура, Кевен НЕ била учителка на Морна Симеона. Морна го развила својот метод во 14 чекори независно од неа.
4) Како да го препознаете вистинското Хо’опонопоно?
Само прашајте го секој што ќе шири процес под името хо’понопоно, од кого го научил, и проверете дали тоа лице е потврдено од хавајските авторитети. Да се понуди т.н. хо’опонопоно-мантра - непозната на Хаваите како хо'понопоно - е измама. Тоа е подметнување, како да се понуди „јаболко за портокал“. На ист начин, доколку набавувавте автомобил од позната марка, тој треба да биде испорачан со неговиот оригинален мотор (а не со мотор со помала моќност).