Автентично Хо'опонопоно
(Точно објаснување)
Општо
Хо'опонопоно потекнува од домородните Хавајци, и беше прилагодено на нашево време од хавајската кахуна Морна Симеона. Тоа е дефинирано од хавајската научничка Мери Кевена Пукуи како неотповикливо барање.
„Ментално чистење во контекст на семејни собири на кои односите биле поправани (хо’опонопоно) преку молитва, дискусија, признавање на вина, покајување и преку взаемна обнова и простување“. (https://wehewehe.org/gsdl2.85/cgi-bin/hdict?a=d&d=D18551 , n° 1b).
Некои зборови во овој текст можат да бидат заменети без да се изгуби нивното значење, на пример „семеен собир“ со „учесници“ во универзалната верзија на Морна а „меѓусебните односи“ со „несакани околности“. Меѓутоа, во традиционалната верзија, семејниот собир е исклучително важен, бидејќи семејството било и è центарот на животот на Хаваите.
Терминот „взаемно“ се однесува на фактот дека и другиот исто така простува. Ова е можно само во традиционалното Хо'попонопо (каде учесниците во конкретен проблем се физички присутни) и во универзалната верзија на Морна (каде што учесниците се ментално присутни и поврзани со енергетски линии).
Хо'опонопоно не работи побрзо или посилно во комбинација со други методи, но со тоа може да се забави, запре, па дури и да предизвика несреќа поради конфузијата на внатрешното дете.
Хо'опонопоно е начин на живот, начин на размислување кој се стреми кон хармонија во секојдневниот живот, и е техника за решавање на проблеми. Хо'опонопоно НЕ се користи за да се „слушне“ гласот на повисоките духови. Тие обично имаат своја агенда, и сакаат да им ја одземат слободата и суверенитетот на луѓето велејќи им „каде да одат“ и „што да прават“. Хо'опонопоно НЕ е „магично стапче“ и никогаш не ја ограничува слободата на избор на човекот.
Традиционално Хо'опонопоно
По собирањето на сите членови од семејството, посредникот (Кахуна или старешина со посебни вештини) изведувал молитвени кругови, ги формулирал проблемите и ги посочувал прекршоците.
Следувало меѓусебно признавање на вина, покајание и взаемно простување.
Секој се ослободувал од секого, така што „ака врвците“ (нишки од фини, нехармонични енергетски врски на астрално ниво) биле пресечени. Сите присутни на настанот биле ослободени од конкретниот проблем, а процесот завршувал со церемонијална прослава, на која често се служела храна од кала алги (лиму кала), симболот на „отпуштање“.
Можеби ќе ви биде корисно да ја погледнете веб-страницата на Википедија, каде што информациите дадени за хо'опонопоно се следени од Пацифика Семинарс https://en.wikipedia.org.
Универзално Хо'опонопоно
Морна Симеона го разви „универзалното“ хо'опонопоно од традиционалното хо'опонопоно, создавајќи нешто сосема ново, задржувајќи ја основата на вистинското хо'опонопоно како што е дефинирано од Кевена.
Изразот „универзално“ во овој контекст значи дека патот на Морна е решен во неколку области на хавајската мисла и дека сега секој може лесно да го разбере и примени, сам и без помош од надвор.
Вмешаните во проблемот сега не мора да бидат физички присутни (на пр. поширокото семејство), туку се ментално присутни со нивното вклучување на списокот со проблеми, независно од времето и местото каде се наоѓаат. Исто така, таа го претстави божествениот Создател (нашиот најстар духовен предок) како единствен решавач на проблемите (по молитвата) наместо други високи духовни суштества од традиционалната верзија.
Сепак, последната верзија на Морна не се појавила одеднаш, таа претрпела десетина прочистувања од 1974 година (со постојано менување на насловите на пр. „Патот на ЈАС“, 1978 и „Самоидентитет преку хо’опонопоно“, 1986). Само нејзината ПОСЛЕДНА верзија од 1991 година е верзијата што е конечна, таа е детално објавена во книгата „Крунисување на свеста“). Исто така, таа е единствената што ПАЦИФИКА САМИНАРС ја користи на своите семинари и предавања.
„Проблем“ значи „ефект на некоја негативна причина“. Хо’опонопоно не се концентрира на ефектите, туку ги прочистува причините. Причините за проблемите се раствораат со божествен благослов (хавајски „хо’омана“ или „повикана божествена енергија“):
Сите несакани, негативни врски помеѓу луѓето, животните, растенијата, предметите, духовите и слично конечно и хармонично се „сечат“ во корист на СИТЕ учесници вклучени во дадените проблеми. Тоа е вистинско чистење на кармата. Преку ова се прочистува и мрачната страна на астралниот свет и се враќа неговиот светкав свет. Започнува нова креација.
Морна Симеона е родена на 19 мај 1913 година во Хонолулу, Хаваи; а почина на 11 февруари 1992 година во Кирхајм во близина на Минхен, каде што живееше со Михаел Миклај и Ивет Маури, завршувајќи го својот систем. Таа била кахуна ла'ау лапа'ау (исцелител со билки), подоцна била учител по ломи-ломи-нуи пред да го донесе своето Хо'опонопоно на светот.
Последниот процес на Морна во 14 чекори сè уште е обвиткан во мистерија и ќе биде познат по тоа што ќе стави крај на страдањата на созданието - со преминување во еден нов свет.
[Текст: Михаел Миклај]